İşbu Zilhicce'nin onuncu gicesi de'b-i dîrîn-i Devlet-i ebed-karîn üzere bi'l-cümle erkân-ı devlet ʿalâ-ihtilâf-ı tabakātihim Serây-ı ʿâlî'de cemʿ olup, seherî Şehriyâr-ı bülend [Ü4 60b] -iktidâr ceʿallallâhu masûnen min külli'l-ekdâr mukaddemce nasb olunan taht-ı hümâyûn-bahta pâ-nihâde-i [Ü3 134b] şeref ü iʿtibâr oldukları hîn, resm-i duʿâ vü te'mîn icrâsından sonra, ferden ferdâ sunûf-i bendegân-ı Âsitân-ı felek-bünyânları takbîl-i dâmen ü zeyl saʿâdetiyle hurrem ve müşâhede-i cemâl-i bâ-kemâl-i Mülûkâne ile müşerref ü mugtenem oldular.