Rumeli Vâlîsi Vezîr ʿOsmân Paşa'nın bi'n-nefs Sofya'dan hareket ile bu defʿa Berkofça'ya zafer-yâb ve Silistre Vâlîsi bâlâda zikr olunduğu üzere Plevne'yi zabt ile hasma sebeb-i telâş u iztırâb olup, Belgrad Muhâfızı dahi Fethülislâm teshîrinde küllî iʿânet ü imdâd ile gürûh-ı eşkıyâyı izâha vü ibʿâd eylediği, mûcib-i inbisât-ı tabʿ-ı Şehriyâr-ı vâlâ-nijâd olduğuna binâ'en, Rumeli Vâlîsi [Ü4 58a] bir sevb-i semmûr ve bir kıtʿa hançer-i mücevher ile dest-nevâzende-i ibcâl ve Silistre Vâlîsi ve Belgrad Muhâfızı birer sevb bol yenlü semmûr ile pâ-nihâde-i hayyiz-i ikbâl ve tahsîn-i hıdmet zımnında müşârun ileyhime [Ü3 132a] başka başka emr-i ʿazîzü'l-menâl irsâl olundu.