Şehr-i Ramazân, gāyetine resân ve gurre-i Şevvâl Sebt gününden sübût bulup, leylesi Şeyhulislâm ve Kāyim-makām Paşa ve Kapudan Paşa hazerâtı ve sudûr ve mevâlî ve ricâl-i devlet ve Ocağlu ve sâyir erkân-ı Saltanat Serây-ı hümâyûn'da mevcûd bulunup, teneffüs-i subh-ı sâdık ʿakabinde edây-ı salât ve fırka fırka taht-ı hümâyûn-bahta doğru tahrîk-i hatevât ve dâmen-bûs-i hazret-i Cihân-dârî ve iltisâm-ı âstîn-i hazret-i Şehriyârî resmi icrâsından sonra, Pâdişâh-ı melâyik-sipâh dâme mâ-dâme meftûhan bi-medhihi'l-efvâh Sultan Ahmed Câmiʿi'nde edây-ı salât-ı ʿîd ve baʿdehû Serây-ı dilârây-ı Cihân-dârî'lerin gibta-zen-i talʿat-ı Hûrşîd eylediler.