İzmir Pâyesi olup, Halebü'ş-şehbâ'da vâkiʿ Salâhiyye Medresesi'nin Dâru'l-hadîs iʿtibârıyla Müderrisi ve belde-i mezkûre Nakībi olan es-Seyyid Mehmed Kudsî Efendi, bu sâl-i meyâmin-iştimâlde Haleb eşrâfını cemʿ ile Ordu-yi hümâyûn'a ‘azîmet ve cemm-i gafîr ile gazâ vü cihâda kasd u niyyet eyleyüp, bu mukābelede mûmâ ileyhe bir nevʿ ikrâm lâzım-ı şîme-i mürüvvet olduğu, Sadr-ı vâlâ-menkabet hazretleri tarafından tahrîr ü işâret olunduğuna binâ'en, hakkında lihâza-i hazret-i Cihân-bânî erzânî kılınup, on altı senesi Rebîʿulâhir'ı gurresinden zabt [Ü4 38b] etmek şartıyla bâ-iʿtibâr-ı Mahrec, Erzurum Kazâsı işbu on beş senesi Receb'inin beşinci günü mûmâ ileyhe tevcîh olunup, kayd-ı devr ü teselsülden infikâk ve sımtu'l-le'âl-i mevâlîye insilâk eyledi.