İnce Bey mâddesi bâlâda ber-vech-i tafsîl kayd ü beyân ve mübâdeleten istihlâsına imkân müsâʿid olmayup, tahliye-i sebîli vâbeste-i meşiyyet-i hazret-i Sübhân olmuşidi. Husûs-ı mezkûr Kapudan Paşa hazretleri gibi bir Vezîr-i ʿâlî-şân tarafından velev ʿalâ-tarîkı'l-mübâdele kaleme alınmış olup, bilâ-bedel Fransızlar ıtlâkını istisvâb etmeleriyle, binâ'en-ʿalâ-zâlik işbu Recebü'l-ferd evâsıtında mûmâ ileyh kayd-ı esrden reh-yâb ve Âsitâne-i saʿâdet'e vusûl ile kâm-yâb oldu.