Pâdişâh-ı kadr-dân ʿulemây-ı aʿlâma her bâr [Ü3 107b] tezâyüd-i şân vermek mûcib-i kurebât-ı Sübhân olduğunu idrâk buyurduklarına binâ'en, bu defʿa dahi aʿmide-i dîn-i mübîn ve verese-i ʿulûm-ı enbiyâ vü mürselîn olan ʿulemây-ı ʿizâm hakkında menâyih-i ʿâlem-şümûl-i Şâhâne'leri lâyıh olup, sâbıkā Anadolu Kadıʿaskeri Mehmed Şemseddîn Efendi'ye Receb-i şerîf'in on beşinci günü târîhiyle ve Nakībüleşrâf Efendi'ye gurre-i Şaʿbân târîhiyle Rumeli Sadâreti pâyeleri ve İstanbul Pâyesi olan Bekir Paşa-zâde ʿÖmer Beyefendi'ye şehr-i Receb'in on birinci günü târîhiyle Sadâret-i Anadolu Pâyesi ihsân ve kadr ü şânların bu vechile firâvân buyurdular.