Sâbıkā Galata Kadısı ve Mekke-i mükerreme Pâyesi olan Madrûbî Ahmed Efendi'nin min-ciheti'l-kıdem İstanbul Kadılığı hakk-ı sarîhi olduğu müsellem ise dahi, siniyy-i ʿömrü ʿakd-i sebʿîne mütenâhiz ve bu hatb-ı cesîmi idârede zahmet-keş ü ʿâciz olacağı zâhir ü bâriz olup, sâbıkā Galata Kadısı ve Mekke-i mükerreme Pâyesi olup, ʿakl ü rüşdü mücerreb ü maʿlûm olan Emîn Paşa-zâde Mehmed Emîn Beyefendi tercîh ve evleviyyeti tasrîh olunduğuna binâ'en, Madrûbî Ahmed Efendi'ye şehr-i mezkûrun onuncu gününden iʿtibâr ile İstanbul Pâyesi ihsân ve on beşinci günü bi'l-fiʿl İstanbul Kazâsı, mîr-i mûmâ ileyhe tevcîh olunup, [Ü3 105b] yedlerine iʿtây-ı fermân-ı [Ü4 31a] ʿâlî-şân kılındı.