Cidde Vâlîsi ve Medîne-i münevvere Muhâfızı Sadr-ı esbak el-Hâc Yûsuf Paşa bu defʿa hacc ʿavdetinden sonra, emr-i Bârî'yle mansıb-ı hayâtdan maʿzûl ve mutasarrıf olduğu Cidde Sancağı mahlûl olduğu, mukaddemâ sahîfe-zîb-i beyân ü sutûr ve Medîne-i münevvere Muhâfızlığı ile mansıb-ı mezkûrun vüzerây-ı ʿizâmdan birine tevcîhi rekîz-i zamîr-i evliyây-ı umûr olduğuna binâʾen, Diyârbekir Vâlîsi Vezîr Şeyh-zâde İbrâhîm Paşa'ya tevcîhi bu defʿa taraf-ı Sadâret-penâhî'den telhîs ve mûcebince işbu Rebîʿulâhır evâsıtında müşârun ileyh ol mansıb-ı şerîfe tahsîs kılındı.