[Ü4 1b – Ü3 77b] Hamd-i bî-hadd cenâb-ı Yezdân'a / O Müfîz-i nevâl ü ihsâna / Ki verüp feyz-i kudreti revnak / Mâh-ı tâbâna mihr-i rahşâna / Halk edüp nâsı tîn-i lâzibden / Etdi ervâhı hâkim ebdâna / Verdi ʿaklı nihâyet hissi / Nevʿ-i insâna cins-i hayvâna / Dahi gül-deste-i salât ihdâ / Dest-gâh-ı Nebiyy-i zî-şân'a / Ber-güzîn-i rusül-i Habîb-i Hudâ / Ki vücûdu sebeb bu ekvâna / Âl ü ashâbını dahi ede Hakk / Gark-ı deryây-ı ʿafv u gufrâna / Dahi şâh-ı zemân-ı Selîm Hân'ın / Şânın etsün resîde Keyvân'a / Harmen-i ʿömr-i düşmen-i mülkün / Eylesün tuʿme nâr-ı sûzâna / Hâr-zâr-ı şikākı mahv ederek / Döndüre mülkünü gülistâna / Cemʿ ede şemʿ-i emrine halkı / Olalar hıdmetinde pervâne / Niyyeti matlabın ede icrâ / Kalmasun hâcet emr ü fermâna / Gele ey hâme-i güher-mâye / Başla bir nev-zemîn-i destâna / İbtidâ eyle cild-i sâlisden / Bahş-i hikmet kıl ehl-i izʿâna [Ü4 2a – Ü3 78a] / Hâdisât-ı zemâneyi serd et / Bâʿis-i ʿibret olsun insâna / Hâlden intikāl-i âtiyeye Gaybdan ıttılâʿ-ı aʿyâna Vâkıfân-ı serîre-i dehre Eski bir tavırdır hakîmâna Vâsıfâ biz yine duʿâ edelim O Şeh-i bahtiyâr-ı devrâna Tâ felek devr eder semâ üzere Tâ tutar mehden elde peymâne Dest-yârî-yi feyz-ı Hakk'la ola Hükmü cârî diyâr-ı mâhâna