Rikâb-ı müstetâb'da Re'îsülküttâb olan ʿAtıf Ahmed Efendi'nin ʿillet-i mizâcı müştedd ve Bâb-ı ʿâlî'den zemân-ı inkıtâʿı mümtedd olup, hıdmet-i Riyâset'e [Ü1 271a] müteferriʿ olan ahvâl, derece-i taʿtîle intikāl eylediğine binâ'en, ʿazli irâde ve birkaç mâh mukaddem Rikâb Defterdârı nasb olunan Sâlih Efendi bi'l-istihkāk makām-ı Riyâset'e nihâde kılınup, umûr-ı Defterî'ye vukūf-ı tâmmı olan Baş-muhâsebe Kîsedârı Feyzî Efendi dahi Rikâb Defterdârı nasb u taʿyîn ve işbu Zilkaʿde'nin yirmi birinci Çehârşenbih günü kāmet-i liyâkatleri hilʿat-ı seniyye-i Pâdişâhî ile tezyîn olundu.