Devlet-i ʿaliyye elçilerinin üç senede bir tebdîlleri meşrût ve bu âna dek haklarında bu kāʿide cârî vü mazbût olduğuna binâ'en, müddet-i ikāmetleri temâm olan Nemçe ve İngiltere elçilerinin tebdîlleri lâzım gelüp, Râgıb Efendi, Nemçe'ye [Ü3 58b] ve Neş'et Efendi, İngiltere'ye birer mansıb ile taʿyîn münâsib görülmüşidi. Binâ'en-ʿalâ-zâlik Râgıb Efendi'ye Süvârî Mukābeleciliği ve Neş'et Efendi'ye Piyâde Mukābeleciliği işbu tevcîhâtdan zabt şartıyla evâsıt-ı şehr-i Ramazân'da tevcîh ve bi'l-fiʿl neyl-i rütbe-i celîle ile ikisinin dahi derece ve kadr ü iʿtibârları ümmîdvâr olmayacakları sûretde terfîʿ ü tenvîh olunup, muʿtâd olan harc-ı râhları dahi teslîm birle bir-iki mâh zarfında me'mûr oldukları cânibe ʿazîmetleri tenbîh olundu.