Edirne Kazâsı'ndan maʿzûl Müfîd İsmâʿîl Efendi öteden berü neşr-i ʿulûm ile meşgûl ve Beyzâvî'ye yazdığı Hâşiye beyne'l-fuhûl muʿteber u makbûl olduğu sâmiʿ-i hümâyûna mevsûl ve Vîrânşehirli Hasan Efendi Hudâvendigâr-ı esbak cennet-mekân Sultân Mustafa Hân merhûmun ʿasrında mukarrir ve kerâmetlü Şehriyâr-ı sütûde-âsâr hazretleri o vakti mütezekkir olup, ikisini dahi birer pâye ile behre-dâr buyurmak irâde-i seniyyesi hâtır-güzâr-ı ilhâm-âsârları olmağla, Müfîd İsmâʿîl Efendi'ye Şaʿbân-ı şerîf'in yirmi yedinci gününden ve Hasan Efendi'ye gurre-i Ramazân'dan iʿtibâr ile Mekke-i mükerreme Pâyesi ihsân ve o Ferkadeyn-i âsumân-ı ʿilm ü ittikānın pertev-i âfitâb-ı enzâr-ı Mülûkâne ile ʿizz ü şerefleri dirahşân kılındı.