Bin iki yüz on beş senesi Muharrem'inden [Ü3 42b] pâyesi iʿtibâr olunmak şartıyla Kuds-i şerîf Kazâsı, Hâce-zâde es-Seyyid Abdullah Efendi'ye ve şehr-i mezkûr gurresinden zabt eylemek üzere Hâvass-ı refîʿa Kazâsı, Vezîr ʿAbdurrezzâk Paşa-zâde Ebü't-tedbîr Mehmed Şemseddîn Beyefendi'ye ve Galata Kazâsı, Rebîʿülevvel gurresinden zabt eylemek şartıyla Sâlih Efendi-zâde mahdûmu Mehmed Sâlih Efendi'ye ve İzmir Kazâsı, Hakîm-başı-zâde ʿAli Paşa hafîdi Mehmed Suʿadâ Efendi'ye tevcîh ve mezâyık-ı tarîk-ı tedrîsden reh-yâb-ı halâs olarak baʿzısının derece-i vakʿ u iʿtibârı terfîʿ ü tenvîh ve baʿzısının dâ'ire-i maʿîşeti tevsîʿ ü terfîh olundu.