Bundan akdem Vezâret'i refʿiyle iltifât-ı devletden dûr ve şâhid-i zîbende-hırâm-ı matlabdan mehcûr olan Turunc-zâde Süleymân Paşa hakkında merhamet-i Husrevâne ser-zede-i zuhûr ve Zilkaʿde'nin [Ü3 15b] onuncu günü ibkāy-ı Vezâret'iyle Karahisâr-ı sâhib Sancağı tarafına tevcîh olunup, bu mülâbese ile nâ'il-i sürûr-ı nâ-mâhsûr olup, Vidin Ordusu'nda sâyirleriyle izhâr-ı kerr ü ferr ve tehammül-i meşâkk-ı emerr eden Vezîr Yûsuf Paşa hirmân-ı [Ü1 226a] mansıbla magmûm u mükedder ve şimdilik Çirmen Sancağı'yla lutf ü ʿinâyet-i hazret-i Tâc-dârî'ye mazhar oldu.