Sadâret-i ʿuzmâ Kethudâlığı'yla kâm-rev olan Mehmed Şerîf Efendi'den bu hılâlde Sadr-ı vakt bulunan ʿİzzet Paşa rû-gerdân [Ü1 187b] ve aralık aralık mesâvîsini neşr ile ʿazline berçîde-dâmen olmuşidi. Baʿde'l-istîzân işbu Safer'in yirmi dördüncü günü Efendi-yi mûmâ ileyh ʿazl olunup, bir müddetden berü Mektûbçuluk hidmetinde istihdâm ile vâkıf-ı ahvâl-i enâm ve rüşd ü reviyyeti maʿlûm-i hâss u ʿâmm olan İbrâhîm Besîm Efendi, o mesned-i celîl ile makzıyyü'l-merâm olup, Baş Halîfe bulunan Refîk Mustafa Efendi'nin o Kalem'de şöhreti “Ke-nârin ʿalâ ʿalem” olduğuna binâʾen, ol dahi Mektûbçuluk hıdmetiyle mükerrem oldu.