Beylânlı ʻAbdurrahmân Paşa bundan akdem vefât edüp, oğlu Mustafa Bey Âsitâne'ye ihzâr ve pederinin bedel-i muhallefâtına nizâm verüp, nâsıye-i hâlinde envâr-ı rüşd ü reviyyet bedîdâr olduğuna binâ'en, silk-i Mîr-i mîrân'a idrâc ve Kırşehri Sancağı'yla nâyil-i ibtihâc kılınup, Tırhala ve Köstendil sancağlarına mutasarrıf Vezîr Kürd ʻOsmân Paşa dahi Bilâslı Mehmed Paşa'nın gayret ü şecâʻatini âsâr-ı etvârından iktibâs ve tavʻ u rızâsıyla Köstendil Sancağı'nın mûmâ ileyhe tevcîhini iltimâs etmekle, mes'ûlü hayyiz-i husûle mevsûl ve livâ'-i mezkûr ile Paşa-yı mûmâ ileyh enzâr-ı ʻâtıfete meşmûl kılındı.