Haleb'de olan şûriş ü fiten Vâlî'den huluvvüne mebnî olduğuna binâ'en, Mîr-i mîrân'dan Hasan Paşa'nın Kāyim-makām nasbı müstahsen görülmüşidi. Mûmâ ileyh dahi izâle-i ʿisâr-ı nefret-i tarafeyne kudret-yâb olmayup, bir Vezîr'in Haleb'de vücûb-ı kıyâmı zâhir ve Maraş Vâlîsi Şerîf Paşa, Haleb Vâlîliği'nde ehâlî ile hüsn-i muʿâşereti maʿlûm-i ekâbir olduğuna binâ'en, Haleb Eyâleti müşârun ileyhe ve Maraş, Paşa-yı mûmâ ileyhe verilüp, Trabzon Vâlîsi Bîcân-zâde ʿAlî Paşa dahi gulû-yı ʿadûsuyla itlâf olunup, me'mûriyyetine medâr olmak üzere eyâlet-i mezkûre, Erzurum Vâlîsi Vezîr Ziyâ Yûsuf Paşa hazretlerine mülhak u muzâf kılındı.