İşbu Zilhicce'nin on ikinci günü Boğaz-içi'nde vâkiʿ Arnabûd Karyesi'nde âteş zuhûr edüp, [Ü2 200b] iştidâd-ı rîh ile vâfir beyt ve dükkân sûzân olduğundan gayri, Akındıburnu'nda vâkiʿ sâhil-hâneleri ve Sadrıaʿzam Sâhil-hânesi'yle verâda inşâ eylediği Biniş Kasrı'nı ve sâyir o mahalde olan mevâkıʿı tarfetü'l-ʿaynda hâkister ve zemîn ile berâber eyleyüp, âbyârî-yi fazl-ı Mevlâ ile o âteş-i tünd-reviş karîn-i intifâ oldu.