Şikākī Hânı Sâdık Hân'ın mekriyle helâk olan Ağa Mehmed Hân'ın birâder-zâdesi Baba Hân, Kazvîn kurbünde Sâdık Hân ile tarh-1 bezm-i rezm edüp, Sâdık Hân'ın askerini şikest ve kāmet-i nahvetini pest edüp, bu hâl ile firâr ve Erdebîl'de karâr edüp, Ağa Mehmed Hân'ın kātili yedinden [Ü1 168b] nezʿ eylediği mücevher tâc ve bâzû-bend ve hamâyilini oğlu ile Baba Hân'a irsâl edüp, cenge ikdâmından peşîmân ve tâlib-i ‘afv ü emân olduğundan gayri, fîmâ-ba'd hükmüne râm ve dergehinde gulâm olmak üzere izhâr-ı firûtenî vü meskenet eylediğinden, Baba Hân tarafından ‘özrü kabûl olunup, hükûmet-gâh-ı kadîmi ibkā vü takrîr ve bir müzeyyen esb ve bir sevb-i semmûr ile taltîf ü tevkīr kılınup, el-yevm hıtta-i İran'da Hân-ı mûmâ ileyhe mukābil olacak hasım kalmayup, hânân-ı Azerbaycân ve 'Irâk-ı ‘Acem ve Faris bi'l-cümle gerden-dâde-i tavk-1 itâʿati olmağla, âsâr-ı istiklâl Hân-ı mûmâ ileyhe bi- hasebi'z-zâhir intikāl eylediği, bu defʿa Bağdâd Vâlîsi'nin vürûd eden tahrîrâtından istidlâl olundu.