hâlâ İstanbul Kadısı Hamdullah Beyefendi'yi pâyede tekaddüm ile mecrûh-ı tîğ-i te'ellüm etmişidi. Mîr-i mûmâ ileyh kıdem-i tarîk hasebiyle izhâr-ı sûz u güdâz ve kalb-i mecrûhuna itrâf-ı çâre-sâz olmak içün dest-i niyâzı bâz edüp, hâline merhamet ve kıdem-i tarîkına riʿâyet ve iki yüz on bir senesi Cumâdelâhıre'sinin on beşinden iʿtibâr ile mîr-i mûmâ ileyhe İstanbul Pâyesi verilüp, kayd-ı te'ehhurdan sıyânet ve Mekke Kadısı'nın vefâtı haberi vürûd eylediğine binâ’en, iki yüz on iki senesi Receb'inden sene-i merkūme Zilhicce'si gāyetine dek zabt ve ʿazli, zabtından muʿteber olmak üzere Mekke-i mükerreme Kazâsı sâbıkā Mısır Kadısı Medhî-zâde ʿAbdurrahmân Efendi'ye tevcîh ü ʿinâyet olundu.