Bir sene kadar mesned-i Riyâset'i makarr eden Râsih Mustafa Efendi, bir zemândan berü ʿillet-i hummâ ile muʿtell ve bu takrîb hıdmet-i Riyâset muʿattal olduğundan başka, evzâʿ u etvârı [Ü2 173b] muhâlif-i mizâc-ı Sadr-ı kâm-kârî olmağla, ʿazli cây-gîr-i zamîr ve taʿyîn ve tehalüf-i efrâd ile Tersâne Emîni olan Râşid Efendi'de Riyâset karar-gîr olup, işbu Safer'in yirmi beşinci Cuma günü Râşid Efendi sâlisen Re'îsülküttâb olup, münhall olan Tersâne Emâneti, Büyük Rûznâmeci olan İbrâhîm Efendi'ye ve Rûznâmecilik, Reʾîsülküttâb-ı sâbık Râsih Efendi'ye tevcîh olundu.