Yeniçeri Ağalığı'ndan Sadrıaʿzam olan Mehmed Paşa'nın ügey oğlu Halîl Bey ve Cezayirli utekāsından Silahşör Selîm Ağa, eyyâm-ı maʿlûmede mecmaʿ-i nisvân olan mesîrelerde keferesi, rihân-i geşt ü güzâr ile tesrîh-i rîş ve tahrîk-i ebruvân ve gicelerde idâre-i râh ve tenâvül-i akdâh ile ser-mest ü neşvân oldukları tahkīk olunup, o makūle ser-germ-i câm-ı hevâ olanları teʾdîb ile sâyiri terhîb muktezây-ı ahkâm-ı siyâset olmağla, merkūm Halîl Bey Hânya'ya ve Selîm Ağa Kıbrıs'a nefy ü tagrîb olundu.