Kebîrî-zâde ʿAbdurrahmân Efendi ʿan-asl meczûb ve taklîd-i kazâya istiʿdâdı meslûb iken, inkisâr-ı hâtırından hazer ile mukaddem İzmir'e Kadı olmuşidi. Etvâr-ı garîbesine tehammül tavk-ı beşerden hâric olduğuna binâʾen, bi'l-iştikâ İzmir'den ʿazl ü iclâ ve bu defa bi-hasebi't-tarîk Edirne'ye Kadı olup, tavr-ı sâbıkından ʿadem-i iʿrâz ile kemâ-fi'l-evvel şathiyyât makūlesi evzâʿa intihâz eylediği Edirne ehâlîsi tarafından ʿarz olundukda, ilâne-i şiddet-i şekîmesi zımnında bu tarafdan mektûblar tahrîr ve bu tenbîh mûmâ ileyhin dahi ziyâde harâretini teşvîr etmekle, fi'l-hâl ʿazl ile teʾdîb ve Gelibolu'ya tağrîb olundu.