Bundan akdem Rakka'ya Mütesellim nasb olunan Dergâh-ı ʿâlî kapucu-başılarından Şeyh-zâde İbrâhîm Ağa'nın o havâlî ile [Ü1 153b] münâsebeti olup, ehâlîsiyle hüsn-i imtizâc ve Millû Tîmûr'un tahte'l-arz medfûn olan emvâlinden otuz bir bin üç yüz seksan dokuz altûnuyla baʿzı eşyâsını ihrâc ve bundan böyle mûmâ ileyhden [Ü2 166a] rızây-ı devlete muvâfık hıdemât-ı bürûzu celiyye-i ahvâlinden istihrâc olunmağla, işbu Zilka'de'nin yirmi ikinci günü Rakka Eyâleti'yle defter-i Vezâret'e kayd ü idrâc olundu.