Sâbıkā Dâru's-saʿâdeti'ş-şerîfe Ağası olup, hâlâ Şeyhu'l-harem olan İdrîs Ağa'nın evâyil-i Receb'de müddet-i ʿömrü, karîn-i inkızâ olduğunu Medîne-i münevvere Muhâfızı Sadr-ı esbak Yûsuf Paşa inhâ ve mahsûs neccâb baʿs ü isrâ etmekle, yerine Hazînedâr-ı Harem olan Elmâs Ağa ve anın makāmına mücâvirînden Küçük Saʿîd Ağa nasb olunup, lâzım gelan evâmir-i ʿaliyyesi ısdâr ve ol savb-ı meymenet-evbe tesyâr olundu.