Ohri Sancağı, Tepedelenli-zâde Muhtâr Paşa'ya bundan akdem tevcîh olundukda, kıllet-i îrâdından bahs ile insırâfını [Ü2 155b] niyâz ve mûmâ ileyhe Ohri'nin fi'l-asl tevcîhi İskenderiyyeli Mahmûd Paşa'nın berü taraflara yed-i tesallutu dirâz etmemesi garazına mebnî olduğundan, azline cevâz verilmemişidi. Bu esnâda müşârun ileyh Kara-dağ'da telef ve bu sebeble mahzûr-ı mezkûr ber-taraf olduğuna binâ'en, Muhtar Paşa ʿazlinden işbu Cumâdelûlâ'nın yirmi beşinci günü livâ’-i mezbûr ile Ohrili Ahmed Paşa-zâde Mahmûd Paşa nâyil-i dest-mâye-i beşâşet ü ihtizâz oldu.