İşbu Şevvâlü'l-muʿazzamın on sekizinci günü sâʿat üçde iken Lazikıyyetü'l-ʿArab'da hareket-i arz vâkiʿ olup, Mîne İskelesi'nde vâkiʿ kâr-hâne-i duhân münhedim ve gümrükçü ile tütün ʿamelesinden iki yüz kadar kimse tahte'r-redm münʿadim olduklarından gayri, Markab ve Kadmûs kalʿaları ve Havâbî Mukātaʿası kurâsı bi'l-cümle vîrân ve hürrâs ü zürrâʿı bahr-i fenâ vü zevâle galtân olup, Cebeliyye Kasabası'nda medfûn olup, terk-i taht u tâc ile vusûl ilallâh mesleğine intihâc eden İbrâhîm Edhem hazretlerinin câmiʿi menâresi ve kasabasında olan mesâkin ü büyûtun ekseri harâb ü vîrân olduğunu, Trablusşâm Vâlîsi Vezîr Mûsâ Paşa ifâde vü beyân etmekle, münhedim olan mahalleri tathîr ve binâ altında kalan emvâl ü eşyânın ihrâcı içün fi'l-hâl fermân-ı ʿâlî ile Mübâşir tesyîr olundu.