Sâbıkā Üsküdar Kadısı Bekir Ağa-zâde, kıdem-i ihtisâs bedeli bir nevʿ ikrâm mahalli olduğuna binâʾen, on senesi Rebîʿulâhır'ı gurresinden iʿtibâr ile Edirne Pâyesi hakkında erzânî ve Yenişehir Kadısı Kevâkibî-zâde ʿAbdülbâkī Efendi'nin kevkeb-i hayâtı üfül ile târik-i ʿâlem-i fânî olup, kesret-i düyûnu hasebiyle altı mâh medd verildikden sonra, Ramazân-ı şerîf gurresinden zabt etmek üzere kazâʾ-i mezkûr ile ʿUşşâkī İbrâhîm Efendi hâyiz-i rehîne-i şâd-mânî kılınup, mevâlî-yi Devriyye'den sâbıkā Filibe Kadısı Mehmed Esʿad Efendi hakkında vukūʿu nâdir bir keyfiyyet zâhir olup, Bilâd-ı Erbaʿa'ya mûsıl olmak üzere kazây-ı Âmid ile nakd-i emeli râyic ve mukaddimât-ı saʿy ü ʿameli müntic-i husûl-i havâyic oldu.