İç-il Sancağı inzımâmıyla Vâlî-yi Karaman olan ʿAli Paşa, dâ'iresinde olan haşerâtın idaresinde ʿaczini beyân ve kesîrü'n-nemâ bir mansıb ihsân olunması bâbında birkaç defʿa dest-i niyâzı âvihte-i zer-mîh-i bârgâh-ı Dîvân-ı ʿadâlet-nişân eylediğine binâ'en, işbu Safer'in yirmi yedinci günü Diyarbekir ve Rakka eyâletleri mülhakan tarafına tevcîh ü ʿinâyet ve Hotin muhâfazası şartıyla Diyârbekir Eyâleti'ne mutasarrıf olan Vezîr Sâmî Ebûbekir Paşa hazretlerine kemâ-kân [Ü1 33b] Hotin muhâfazasında kıyâm etmek şartıyla Eyâlet-i Karaman ve ber-vech-i ilhâk İç-il Sancağı tevcîh ü ihsân olundu.