Vezîr Mehmed Paşa dûdmân-ı Bektâşiyye'den neş'et ve yoluyla kesb-i rütbe-i Vezâret etmiş olduğundan, bundan akdem müşârun ileyhe Vidin Muhâfızlığı tevcîh ve istihsâl-i esbâb-ı nizâm eylemesi emr ü tenbîh olunmuşidi. İhtilâl-i serhadd yevmen-fe-yevmen müştedd ve ʿaczi sebebi ile ebvâb-ı nizâm münsedd [Ü2 29b] olup, ʿazli karâr-gîr ve Keşan'da mukīm Gürcü ʿOsmân Paşa'nın cesâreti tezkîr olunarak ibkāy-ı Vezâret'i husûl-pezîr olup, şehr-i mezkûrun yirmi beşinci günü Niğbolu Sancağı ilhâkıyla Vidin muhâfazasına me'mûr ve bir ân akdem vusûlü bâbında ısdâr-ı menşûr kılındı.