Mukaddemâ vukūʿ bulan harîkde Galata Kullesi'nin külâhı rubûde-i şuʿle-i âteş ve şiddet-i germî-yi nârdan etrâfı mütezelzil ü müşevveş olup, şu hâletle mukābele-i nazar-ı Mülûkâne'de terk olunması tecvîz olunmayup, iktizâsı üzere her tarafının binâsı Gümrük Emîni Halîl Efendi'ye havâle olunmuşidi. Ahşâb ile masnûʿ baʿzı mahalleri ahcâr-ı menhûteye ibdâl olunarak firâz-ı kulle bünyâd ve harîk zuhûrunda çalınmak içün Timur-kapu civârında vazʿ olunduğu gibi zikr olunan kulleyle dahi [Ü2 16b] bir ʿaded kös vazʿı müceddeden îcâd olunup, el-hâsıl kulle-i mezkûr ʿan-asl bir-iki [Ü1 16a] odayı hâvî iken el-hâletü hâzihi bir dâ'ire-i vesîʿa olup, şöyle ki, gāyet-i medây-ı nazara dek cevânib-i erbaʿaya nâzır-ı dâ'iren-mâ-dâr câm ile ârâste bir kasr-ı dil-nişîn ihtirâʿ ve pîş ü pesinde dîvân-hâne ve sofaları ibdâʿ ve elli bin guruş masraf ile vücûda geldiği istimâʿ olundu.