Bundan akdem haklarında baʿzı müftereyât tertîb [Ü1 11a] ve birer mahalle nefy ü tagrîb olunan sâbıkā Sadr-ı Rûm-ı sâbık ʿAbdullah Efendi ve Keçeci-zâde ve Muharrir-i kem-ter ve bundan evvel birer sebeb ile menfâya sefer eden Humbaracı-başı Ahmed Ağa ve Teşrîfâtî-yi esbak Hacı Mustafa Efendi ve beylik sevdâsıyla belâya uğrayan İpsilanti, mazhar-ı ʿafv-ı [Ü2 11b] Şehriyâr-ı merhamet-güster olup, birer ikişer gün fâsıla ile kayd-ı nefyden vâreste vü âzâde ve evâsıt-ı şehr-i merkūmda ʿafv-ı fermânları taraflarına baʿs ü firistâde kılındı.