Levâzımât-ı Donanma-yi hümâyûn bi-fazlihî Teâlâ itmâma makrûn ve Akdeniz tarafına seyr ü hareketi matlûb-ı Şehriyâr-ı rubʻ-meskûn olmakdan nâşî, işbu Zilkaʻdetü'ş-şerîfe'nin dördüncü İsneyn günü Kapudân-ı deryâ Vezîr Hüseyin Paşa hazretleri mersâ-yı Tersâne'den-i fekk-i lenger ve muʻtâd üzere alay gösterüp, huzûr-ı Hâkān-ı bahr u berrde telebbüs-i ferve-i semmûre ile ez-ser-i nev ihrâz-ı câh-ı hüsn-i nazar eylediğinden başka, [217a] sâyir kapudânlar dahi hilaʻ-i zâhire ile kesb-i şeref ü hubûr ve şimdilik Tophâne ve Beşiktaş pîşgâhında lenger-endâz-ı istikrâr olmalarıyçün emr-i hümâyun sudûr eyledi.