Barut-hâneler Nezâreti umûr-ı cesîme-i Devlet ‘aliyye'den olduğuna binâ’en, temşiyet ü idaresi ashâb-ı nüfûz u ‘itibâr olan eʻâzım-ı ricâlden bir zât-ı sadâkat-kâra tefvîz olunması bundan akdem matlûb hazret-i Cihândârî olup, zâhir-i hâlde Râyik ‘Ali Efendi evsâf-ı mezkûre ile muttasıf bulunduğundan, hıdmet-i mezkûreye taʻyîn olunmuşidi. Umûr-ı mezkûrede mütehakkıku'l-vukūʻ olan tekâsül ü ihmâli ve rızâ-yı yümn-i iktizâya mugāyir bazı ahvâli insirâf-ı me'mûriyyetini îcâb ve hakkında müstemirrü'z-zuhûr olan teveccüh ü i‘timâdı hod-be-hod telef-kerde-i dest-i i'râz u ızrâb eylediğine binâ'en, işbu şehr-i Ramazan evâsıtında Nezâret-i mezkûre, Defterdar-ı esbak Mehmed Şerîf Efendi'ye tefvîz ü ihale ve Baş-muhasebe mansıbı dahi muvakkaten tevcîh olunup, matlab-ı mâ-fi'z-zamîrine inâle olundu.