Şehr-i Receb’[in] on dördüncü gecesi husûf-ı küllî vâki‘ ve bir zemândan sonra bedr-i münhasif kemâ-kân lâmi‘ olup, ferdâsı sâ‘at leylî üç buçukda iken, Galata'da Kürkçü Kapusı kurbünde harîk zuhûr edüp, o havâlîde olan ekser mevâzi‘ tu‘me-i âteş-i kazâ-yı "Leyse le-hâ min-dâfi‘" olup, birkaç sâ‘at mürûrundan sonra sehâb-i fazl-ı Bârî yârî ve intifâ-yı nâr ile ebdân-ı nâsa sükûn u râhat sârî oldu.