İşbu Cumâdelûlâ'nın on dokuzuncu İsneyn günü vukūʻ bula[n] rikâbda sâbıkā İstanbul Kadısı olup, bundan akdem Burusa'ya nefy olunan ‘İsmet Beyefendi'yi Sadrıaʻzam ve Şeyhulislâm Efendi cenâbları bi'l-ittifâk recâ ve ‘afv u ıtlâkını istidʻâ etmeleriyle, niyazları müsâʻade-i hümâyûna makrûn ve Efendi-yi mûmâ ileyh hazretleri işârete meʼzûn olmağla baʻde'l-işâre şeref-rîz-i sudûr olan hatt-ı hümâyûn mûcebince Efendi-yi mûmâ ileyh ıtlâk ve maraz-ı [192b] gurbetden tahlîs ü ifrâk olundu.