Bir mâh mukaddem Âsitâne-i saʻâdet'e Moskovlu tarafından vârid olan Büyükelçi işbu şehr-i Rebîʻulâhırın sekizinci Salı günü ʻatebe-i bülend-kıbâb-ı dergâh-ı Pâdişâhî'ye vaz‘-ı cebîn-i istikânet etmek husûsu taraf-ı Sadr-ı meʻâlî-nisâbdan istîzân ve sudûr-ı ruhsat ʻakabinde tertîb-i Dîvân olunup, Sefîr-i mezbûr ile irsâl olunan hedâyâ Bâbü's-saʻâde pîş-gâhına vaz‘ u ilkā ve mesfûr dahi kānûn-ı Devlet üzere nâmesini i‘tâ ve ilbâs-1 hil‘ât ile kâm-revâ olup, iyâb u zehâbda debdebe-i Saltanat ve tantana-i şevket-i Devlet-i ebed-müddet'e nigâh-endâz-ı istigrâb u hayret olarak sâkin olduğu hâneye ‘avdet eyledi.