Mîr-i mîrân-ı kirâmdan olup, hâlâ Anapa Muhafızı olan Mustafa Paşa'nın rütbe-i Vezâret'e liyâkatı bedîdâr ve Akdeniz'de sebkat eden hidmeti maʻlûm-ı sıgār u kibâr olduğundan fazla, bu defa me'mûr olduğu Anapa'da rızâ-yı Devlet-i ‘aliyye'ye muvâfık hıdemâta muvaffak ve min-külli'l-vücûh iʻtibâra șâyeste vü ehakk olmağla, hakkında mihr-i âlem-tâb-ı teveccüh-i Şâhâne ziya-resân-ı şühûd ve işbu Muharremü'l-haram'ın evâyilinde süllem-i bülend-pâye-i Vezâret'e suʻûd ile hâyiz-i rehîne-i ikbâl-i nâ-ma‘dûd olup, [175b] ‘ilâve-i lutf u ihsân olarak mu‘tâd olan cevâyiz ü ‘avâyidât cümleten ‘afv u terhîm ve vezâret berâtı Kapu Kethudâsı'na teslîm ve hakkında mevâhib-i müştemilü'l-cevânib-i Şâhâne tekmîl ü tetmîm olundu.