Nihâyet hudûd-ı İslâmiyye'de vâkiʻ Hotin serhaddinin bir senelik îrâd u hâsılâtını zabt u tahrîr ve mesârifini hüsn-i tedbîr ile farz u takdîr etmek üzere marziyyü'l-faʻâl bir âdemin Defterdâr nasb olunması muktezâ-yı vakt ü hâl olduğuna binâ'en hâcegân-ı Dîvân-ı hümâyûn'dan ‘Abdülkerîm Efendi dâmâdı Mehmed Efendi müstakīm ü mücerrebü'l-etvâr ve bu hıdmetin racülü olduğu bedîdâr olmağla, zikr olunan Hotin Defterdârlığı Efendi-yi mûmâ ileyhe tevcîh ve za‘f-ı hâli olmakdan nâşî hâstkâr-ı iʻânet ü müzâheret olduğundan, cânib-i mîrîden iki bin gurûş harcırâh ihsânıyla taltîf ü terfîh olunup, Cibâyet-i cizye ve Zabt-ı ocağlık ve Muharremî mukātaʻa'nın vakt-ı ilzâmları mütekārib olduğuna binâʼen, sürʻat ü şitâb ile ‘azîmeti emr ü tenbîh olundu.