Kadī-yi belde-i tayyibe olan Şemședdîn Efendi müddet-i ‘örfiyyesin ikmâl ve İstanbul pâyesi olan Râyif Paşa-zâde ‘İsmet İbrâhîm Efendi muhtâr-ı emsâl olup, işbu iki yüz yedi senesi Zilka‘idesinin on beşinci İsneyn günü huzûr-ı Asafî'de telebbüs-i semmûr ile tahkīk-i pâye eyledi. Kadī-yi mâzî olan Şemseddîn Efendi'nin ‘iffet ü nezâheti tenzîl-i isʻâr husûsunda zuhûra gelan saʻy u gayreti her ne kadar meşhûr oldu ise dahi usûlünden şürû‘-ı maslahata zafer bulamayup, tabâyi‘-i ehl-i hiref u sanâyi‘de dahi ‘ilel-i hırs u tama“ müzmin olmuş bulunduğundan ikdâm u saʻyı hebâ el-müsâʻiru hüvellâhü meʼâlini teyakkun ile ser-be-zemîn teslîm ü rızâ olup, nazm: ‘Alâ ennenî râzin bi-en ahmile'l-hevâ, Ahlüse min-hü lâ-‘aleyye ve-lâ li-yâ şartını iltizâm ve müddet-i hükümeti vekār u ihtişâmıyla ihtitâm etmek zımnında, leyl ü nehâr sübha-şümâr evrâd u ezkâr secde-ber-endâz-ı dergâh-ı Kird-kâr olmuşidi. Mahzâ ihlâs-ı taviyyeti ve nâs ile hüsn-i sülûk u sîreti hasebiyle maksadına nâyil ve def-i ıztırâb u endîșe ile ser-menzil-i merâma vâsıl oldu. Kadī-yi nâdire-kûy, Ve ilâ şer'-i şerîf mısra‘-1 bercestesi, ki iki târîhi mutazammındır, bilâ-te'emmül ser-i kalemden ser-zede-i zuhûr ve sabık u lâhika el vereceği gayr-i mestûr olduğundan, işbu mecelle-i vekāyiʻa kayd ile tezyîn-i ruhsâre-sutûr kılındı.