Bosna Vâlîsi iken maʻzûl ve bilâ-mansıb hudûd katʻına bi-hasebi'l-me'mûriyye meşgül olan Vezîr Sâlih Paşa'nın vukūʻ bulacak mesârifât-ı zarûriyyesine fî'l-cümle medâr olmak zımnında bir mansıb ile tatyîbi maʻkūl görülmekden nâşî, müşârun ileyhe bu defʻa ʻavâtıf-ı ʻaliyye-i Mülûkâne'den Selanik Sancağı tevcîh olunup, Mütesellim ile zabt olunması irâde ve Niğde ve Kayseriyye sancâğları Adana, Vâlîsi Vezîr Tavîl İbrâhim Paşa'ya ve Adana, Hotin muhafazasına me'mûr Ferhâd Paşa'ya Karesi Sancağı, sabıkā Silistre Muhafızı Vezîr Arslân Paşa'ya ihsân olunup, keyfiyyet-i me'mûriyetleri evâmir-i ʻaliyye ile taraflarına ifade olundu.