Ber ü cezâları dıh-hâlâ olan pür-dilân-ı deryânın resm-i ceng ü sitîzleri temâşâ olunmak irâdeleri tabʻ-ı mekârim-i nebʻ-i Şâhâne'de rû-nümâ olmağla, iki kıtʻa beylik kalyonu ihzâr ve bi'z-zât Pâdişâh-ı sütûde-sıfât İncili Köşkü teşrîf ile nehengân-ı deryâ-yı vegânın yek-diğer hakkında vukūʻ bulan hamlât-ı bahriyye ve harekât-ı harbiyyelerine sarf-ı inzâr buyurup, sefînelerde mevcûd ve dest-güşâ-yı lütf-ı vücûd olan bendeleri hakkında bahr-ı zehhâr-ı sahâvetleri mütelâtım ve bâʻis-i tezâyüd-i şevk [151a] olur denânîr u derâhim ile ser-hâzân-ı bahr-ı melâhim duʻâ-yı bekâ-yı Şâhânelerine müdâvim oldular.