Dergâh-ı ʻâlî Kapucu-başılarından sâbıkā Silahdâr Ağası olan Mucurlu Süleymân Ağa mazbûtu'l-lisân olmayup, nefsine muzırr-terehât ile meʼlûf ve Sitte kudâtı'ndan Kethûda Mustafâ Efendi vazîfesinden hâric meʻâlî-yi ûmûra taʻarruz ile mevsûf ve maʻzûl Cebeci-başılardan Köse Mehmed Ağa ve Semmûr-kaş Mustafa Ağa belâ-yı mesned ile yek-dîgere buğz u hased ve Vakit Ağası tarafından merkūmların evzâʻi sûret-i siʻâyetde maʻrûz-ı erbâb-ı hall ü ‘akd kılındığına binâ'en mûmâ ileyhim birer adaya mübâʻade ile vatanlarından dûr ve ‘aded-i imsâk-ı lisân ve irâde-i câh-ı 'unvân ile neşr eyledikleri mugālatanın cezâsı manzûr ve sebeb-i keff-i zebân-ı ehl-i şer ü şûr oldu.