Bir müddetden berü Maʻdenler Emîni olup, hıdmet-i me’mûresinde sadâkati nümâyân ve hüsn-i savt u iştihârı resîde-i eyvân-ı Keyvân olan Yûsuf Efendi'nin rütbe-i Vezâret'e ehliyyet ü liyâkati zâhir ve şimdiye dek ser-zede-i vukūʻ olan âsâr u ef‘âli muvâfık-ı rızâ-yı Şehriyâr-ı sütûde-me'âsir olup, hakkında neyyir-i hayyir-i Mülûkâne lâmi‘ü'l-envâr ve işbu Saferü'l-hayr'un yigirmi birinci günü rütbe-i Vezâret'e neyl ile kûy-i [dil]rübâ-yı meydân-ı iftihâr ve Maʻden Emâneti kemâ-kân ʻuhdesinde karâr eylediğinden başka, Diyârbekir Eyâleti'yle mükerrem ve bu esbâb ile mahsûd-ı ʻâlem oldu.