Tâyif'de bir zemân ikāmet ve Âsitâne-i sa‘âdet'e ‘avdet ile da‘avât-ı hayriyye-i Şâhâne'ye müdâvemet eden Hayrullah Efendi hakkında bundan akdem şefekat-ı Mülûkâne erzânî ve Anadolu Sadâreti ihsânıyla leb-rîz-i sülâfe-i şâdmânî kılınmışidi. Müddet-i ‘örfiyyesini ikmâl ve işbu Muharremü'l-harâm gurresinde üsvetü'l-‘ulemâ ve hâtimetü'l-fukahâ Fetvâ Emîni İbrâhim Efendi Sadâret-i Anadolu ile ibcâl olundu.