Efendi-yi mûmâ ileyh ne maslahata mebnî Prusyalu tarafına gönderildiği mukaddemâ çekîde-i kalem-i ‘ibret-rakam olmuşidi. Prusyalu îfâ-yı 'ahd ve incâz-ı va'd etmeyüp, beyne'd-devleteyn muhâdene dahi vâki' olduğundan cevâb-nâme ile'avdet ve işbu Şa‘bânü'l-mu‘azzam'ın yedinci günü dâhil-i Âsitâne-i saʻâdet olup, geşt ü güzâr eylediği aktârda müşâhede eylediği etvâr-ı ‘acîbe ve âsâr-ı garîbeyi iki cüz' mikdârı bir mücellede hasr u derc edüp, bir sûretini huzûr-ı mevâhib-mevfûr-ı Şâhâne[ye] ʻarz u takdîm ve derece-i ıttılâʻ vukūfunu beyân u tefhîm etmişidi. O makūle mufassılât-ı ahvâl zabt-ı vekāyiʻ-i eyyâm u leyâl edenlerin târîhine mûceb-i dîk-i mecâl olacağı mukarrer olmağla ihtiyâr-ı semt-i iklâl olundu. Efendi-yi mûmâ [129b] ileyh Prusyalu'nun ahvâl-i zâhirelerine tahsîl-i ʻusûr u ıttılâ ve şîrâze-bend-i vücûd olan takrîri hâlin ʻani'l-intifâʻ olmadığı zâhirdir.