Sadrıaʻzam Kethudâsı olan el-Hâc Mehmed Hakkı Beyefendi'nin [82a] kavl ü fiʻli muvâfık-ı mizâc-ı Sadrıaʻzamî olmayup, ‘azlini ızmâr ve ‘alâ-tarîkı'l-kinâye mûmâ ileyh dahi kazıyyeyi iş‘âr etmişidi. Bu hılâlde Rikâb-ı hümâyûn'da Kethudâ bulunan Reşîd Mustafâ Efendi'yi bi'l-fi‘l Kethudâ nasb etmek dâ‘iyesiyle ‘atebe-i gerdûn-misâle ref-i kibâle edüp, ‘arzına müsâʻade ve Reşîd Efendi'ye meʼmûriyyeti ifade olundukda fi'l-hâl tesviye-i levâzım-ı tarîk ile Asitâne'den kat‘-1 ‘alâka ve Anadolu Vekîli olan Küçük ‘Ali Efendi hidmet-i mezkûreye ‘arz-ı liyâkat edüp, vesâyit-i erbâb-ı ‘izz ü ‘alâ ile ol câh-1 celîle irtikā eyledi.