Semmûrkāş Mustafa Ağa idare-i umûrda müşevviş olduğu sâmia-i Sadrıa‘zamî'ye ilkā ve bu kazıyyeye, [mısra]: ‘İclen ceseden lehû huvârun. masdûku olan Baş-Kethudâ Tosun Ağâ vâkıf u dânâ ve cânişîn olmak kasdıyla tedârük-i vesâyit ü şüfeʻâ ve Semmûrkāş'ın tarafgîrleri, [mısra]: Mâ-ra çe ez-în kâr ki gâv âmed ve har reft. mekāliyle irâ'et-i sûret-i istiğnâ etmeleriyle âhar-ı kâr şehr-i mezkûrun yigirmi dördüncü günü Semmûrkāş ʻazl ile dil-hırâş ve Tosun Ağâ mansıb-ı mezkûr ile vüs'at-yâb-ı meʻâş oldu.