Sinîn-i çendînden berü eyâlet-i Çıldır'da infâz-ı ahkâm-ı Sultânî [78a] ve icrâ-yı evâmir-i Cihân-bânî eden Vezîr Süleymân Paşa hulûl-ı ecel-i mev‘ûduyla ‘âzim-i Dâr-ı bekā olup, o hânenin çerâğ-ı kâr u bârı püf-kerde-i leb-i hâdisât olmak revâ-dâşte-i tab‘-ı Şehriyârî olmadığına binâʼen, işbu Cumâdelâhıre'de eyâlet-i Çıldır oğlu İshâk Bey'e ihsân ve rütbe-i Vezâret inzimâmıyla ser-i iʻtibârı resîde-i eyvân-ı Keyvân kılındı.