Koca ʻAbdî Paşa bu kazıyyeden tebri’e-i zimmet ve haml-i sakīl-i teslîm-i kalʻayı muhâfız ʻOsmân Paşa'ya tahmîl ile tahsîl-i niʻmet-i selâmet edüp, Muhâfız Paşa'nın iʻdâmı içün Vidin Serʻaskeri Sadr-ı esbak Yûsuf Paşa'ya emr-i ʻâlî gönderilmişidi. Vezîr-i müşârun ileyh Vidin Ordusu'na gelüp, kaydı görülmek üzere iken, hatfe enfihî vefât eylediği nîş-i lisânıyla ʻâlemi dil-hırâş eden Sârbân ʻAli kıssasına müşâbih vukūʻât-ı garîbeden olduğuna binâʼen, işbu mecelle-i ʻibret-nümâya tezyîl olundu.